बाली हनिमून प्रवास मार्गदर्शन: कुठे जायचं, काय करायचं

इंडोनेशियाच्या हजारो बेटांमधील बाली हे नवविवाहितांसाठी स्वर्गासारखे ठिकाण आहे. हिरवीगार धानशेतं, आश्चर्यकारक समुद्रकिनारे, रहस्यमय मंदिरं आणि रोमँटिक सनसेट – बालीमध्ये प्रत्येक जोडप्याला त्यांच्या आयुष्यातील सर्वात खास क्षण साजरे करण्यासाठी सर्वकाही मिळतं. मग तुम्ही अॅडव्हेंचर प्रेमी असाल, निसर्गप्रेमी असाल किंवा फक्त एकमेकांसोबत शांत वेळ घालवायला इच्छुक असाल, बाली तुमच्या हनिमूनला अविस्मरणीय बनवू शकतं.

या मार्गदर्शकामध्ये मी तुम्हाला बालीतील सर्वोत्तम ठिकाणे, करण्यासारख्या गोष्टी, राहण्याची जागा आणि तुमच्या हनिमून ट्रिपला परफेक्ट बनवण्यासाठी काही व्यावहारिक सल्ले देणार आहे. मग चला, बालीच्या या रोमँटिक प्रवासाला सुरुवात करूया!

कसे पोहोचायचे

विमानाने बालीला जाणे

भारतामधील नवी दिल्ली, मुंबई, चेन्नई, कोलकाता आणि बंगळुरू यांसारख्या मोठ्या शहरांतून तुम्ही थेट बालीच्या न्गुराह राय आंतरराष्ट्रीय विमानतळावर (देनपसार आंतरराष्ट्रीय विमानतळ) पोहोचू शकता. हा विमानतळ दक्षिण बालीमध्ये आहे आणि बाहेर पडताच टॅक्सी सहज उपलब्ध असते, त्यामुळे तुमच्या हॉटेल किंवा रिसॉर्टपर्यंत पोहोचणे सोपे जाते. बहुतेक उड्डाणे क्वालालंपूरमध्ये थांबतात, पण काही फ्लाइट्स थेट बालीपर्यंत जातात.

रस्ते आणि समुद्रमार्गे

बाली हे एक बेट असल्यामुळे रेल्वे किंवा रस्त्याने थेट पोहोचणे शक्य नाही. विमान आणि समुद्रमार्ग हेच पर्याय आहेत. मात्र, तुम्ही इंडोनेशिया मधून राजधानी जकार्ता येथे रस्त्याने गेलात, तर तिथून फेरीने बालीला जाता येते. लक्षात ठेवा, ही फेरी खूप लांब आहे—सुमारे २३ तासांचा प्रवास—म्हणून थकवणारा प्रवास ठरू शकतो. दुसरा पर्याय म्हणजे लक्झरी क्रूझ. हिंद महासागरातील अनेक क्रूझ बालीला थांबा देतात, आणि सुमात्रा-जावा-सिंगापूर हा लोकप्रिय मार्ग बालीला जोडतो.

बालीमधील सर्वोत्तम हनिमून डेस्टिनेशन्स

उबुद – सांस्कृतिक आणि निसर्गप्रेमींसाठी

उबुद हे बालीचं सांस्कृतिक हृदय मानलं जातं. हिरवीगार धानशेती, जंगलात लपलेले रिसॉर्ट्स आणि पारंपरिक कला यामुळे हे ठिकाण मनाला शांतता देतं. टेगालालांग राइस टेरेसेस येथे चालत फिरताना किंवा फोटो काढताना वेळ कसा जातो कळतही नाही. मंकी फॉरेस्टमधील प्राचीन मंदिरं आणि मुक्त संचार करणारी माकडं हा वेगळाच अनुभव देतात. इथल्या आर्ट गॅलरीज आणि हस्तकला बाजारातून तुम्ही सुंदर स्मरणचिन्हे घेऊ शकता.

सेमिन्याक – लक्झरी आणि नाईटलाइफ

सेमिन्याक म्हणजे स्टायलिश बाली. सुंदर बीच, ट्रेंडी बीच क्लब्स आणि आंतरराष्ट्रीय दर्जाची रेस्टॉरंट्स यामुळे हे ठिकाण लक्झरी हनिमूनसाठी परफेक्ट आहे. संध्याकाळी पोटेटो हेड किंवा कू दे टा येथे सनसेट पाहत कॉकटेल घेण्याचा अनुभव खासच असतो. नाईटलाइफ, शॉपिंग आणि फाईन डाइनिंग – सगळं काही इथे एका जागी मिळतं.

नुसा दुआ – शांत आणि प्रायव्हेट बीच

जर तुम्हाला शांत, कमी गर्दीचा आणि पूर्णपणे रिलॅक्सिंग हनिमून हवा असेल तर नुसा दुआ उत्तम पर्याय आहे. खाजगी बीच, पाचतारे रिसॉर्ट्स आणि प्रीमियम सुविधा यामुळे इथे वेळ अगदी निवांत जातो. वॉटर ब्लो येथे समुद्राच्या लाटा खडकांवर आदळताना पाहणं रोमांचक वाटतं, तर स्पा आणि बीचफ्रंट डिनर तुमचा हनिमून अधिक खास बनवतात.

उलुवाटू – ॲडव्हेंचर आणि सांस्कृतिक अनुभव

उलुवाटू हे बालीच्या दक्षिणेकडील खडकाळ किनाऱ्यावर वसलेले आहे. येथील उलुवाटू मंदिर समुद्रासमोर उंच खडकावर बांधलेले आहे आणि सूर्यास्ताच्या वेळी येथे होणारा केचक डान्स परफॉर्मन्स पाहणे अविस्मरणीय असतो. हे पारंपरिक बालिनीज नृत्य सूर्यास्ताच्या पार्श्वभूमीवर खूपच सुंदर दिसतं. मंदिराच्या आसपास माकडे  असतात, त्यामुळे आपल्या सामानावर लक्ष ठेवा.

उलुवाटूचे बीच सर्फिंगसाठी प्रसिद्ध आहेत. पडांग पडांग बीच, सुलुबान बीच आणि बिन्गिन बीच या ठिकाणी तुम्ही रायडींग शिकू शकता किंवा अनुभवी सर्फर्सना पाहू शकता. जर तुम्ही दोघांनाही अॅडव्हेंचर आवडत असेल तर उलुवाटू तुमच्यासाठी आदर्श आहे. येथील समुद्रकिनारे कमी गर्दीचे आणि अधिक नैसर्गिक आहेत.

चांगू – हिपस्टर व्हाइब आणि कॅफे कल्चर

चांगू हे तरुण जोडप्यांचं आवडतं ठिकाण बनलं आहे. योगा स्टुडिओ, को-वर्किंग स्पेसेस, हेल्दी कॅफे आणि सुंदर बीच – सगळं काही इथे मिळतं. सकाळी योगा, दुपारी कॅफेत ब्रंच आणि संध्याकाळी सनसेट – असा दिवस इथे सहज अनुभवता येतो.

बालीमध्ये काय करायचं

सनराईज ट्रेकिंग माउंट बातुर

माउंट बातुर सनराईज ट्रेकिंग हा बालीतील सर्वात अविस्मरणीय अनुभवांपैकी एक आहे. पहाटे साधारण ३ वाजता सुरू होणाऱ्या या ट्रेकमध्ये सुमारे दोन तास चालत ज्वालामुखीच्या शिखरावर पोहोचावे लागते. वरून दिसणारा सूर्योदय, ढगांची दुलई आणि खाली पसरलेलं सरोवर हे दृश्य जणू जादूसारखं वाटतं, विशेषतः हनिमून कपलसाठी हा क्षण खूपच खास असतो. ट्रेकसाठी आरामदायक शूज आणि गरम कपडे आवश्यक असतात, तर बहुतेक टूर पॅकेजमध्ये गाईड, हेडलॅम्प आणि नाश्ता दिला जातो. शिखरावर ज्वालामुखीच्या उष्णतेत शिजवलेली केळी किंवा अंडी चाखण्याचा अनुभव अनोखा असतो, आणि परतीच्या वाटेवर बातुर नॅचरल हॉट स्प्रिंगमध्ये गरम पाण्यात आराम करता येतो.

कपल स्पा आणि मसाज

बाली हे स्पा आणि वेलनेससाठी जगभरात प्रसिद्ध आहे, आणि हनिमूनदरम्यान कपल स्पा घेणं हा खरोखरच खास अनुभव ठरतो. पारंपरिक बालिनीज मसाजमुळे शरीर आणि मन दोन्ही रिलॅक्स होतं, तर उबुदमधील अनेक स्पा सेंटर्स जंगल किंवा धानशेतांच्या सुंदर दृश्यांमध्ये ही सेवा देतात. मसाज, फेशियल, बॉडी स्क्रब आणि फ्लॉवर बाथ अशा ट्रीटमेंट्स साधारण २–३ तास चालतात. Karsa Spa, Anika Spa, Theta Spa आणि Maya Ubud Spa ही काही लोकप्रिय ठिकाणं असून, स्पानंतर दिला जाणारा हर्बल टी किंवा ताज्या फळांचा रस हा अनुभव अधिक सुखद बनवतो आणि दोघांमधील नातं अधिक घट्ट करतो

नुसा पेनिडा आयलंड टूर

नुसा पेनिडा हे बालीजवळील एक अत्यंत सुंदर बेट असून नाट्यमय खडकाळ किनारे आणि स्वच्छ निळ्या पाण्यासाठी ओळखलं जातं. बालीहून सुमारे ४५ मिनिटांच्या बोट प्रवासानंतर येथे पोहोचता येतं. केलिंगकिंग बीचचा T-Rexसारखा खडक आणि क्लिफवरून घेतले जाणारे फोटो विशेष लोकप्रिय आहेत. एंजेल बिलाबोंग आणि ब्रोकन बीच येथील नैसर्गिक खडकांचे पूल आणि कमानी पाहण्यासारख्या आहेत, तर क्रिस्टल बे येथे स्नॉर्कलिंग करताना मंटा रेसारखे समुद्री जीव पाहता येतात. संपूर्ण दिवस लागणारा हा टूर थोडा खडतर असला तरी नुसा पेनिडाची सुंदरता प्रवास पूर्णपणे वसूल करून देते.

टेम्पल व्हिझिट आणि सांस्कृतिक अनुभव

बालीमध्ये हजारो मंदिरं आहेत आणि प्रत्येक मंदिराची आपली खासियत आहे. तनाह लॉट हे समुद्रातील खडकावर बांधलेले मंदिर आहे जे सूर्यास्ताच्या वेळी अत्यंत सुंदर दिसतं. येथे जाताना लक्षात ठेवा की तुम्हाला मंदिराच्या आत जाता येत नाही पण परिसरात फिरायला मिळतं. उलुन दानू बेराटान मंदिर हे पर्वतीय प्रदेशातील सरोवराच्या काठावर आहे आणि ढगांनी वेढलेले असते.

बालीमध्ये कुठे राहायचं – हनिमूनसाठी रिसॉर्ट्स

लक्झरी प्रायव्हेट व्हिला रिसॉर्ट्स

हनिमूनसाठी बालीमधील खाजगी पूल व्हिला हा सर्वात लक्झरी आणि रोमँटिक पर्याय मानला जातो. या व्हिलांमध्ये पूर्ण खाजगीपणा, स्वतःचा स्वीमिंग पूल, बटलर सर्व्हिस आणि प्रीमियम सुविधा मिळतात. उबुदमधील Viceroy Bali, Hanging Gardens of Bali आणि Kayumanis Ubud येथे जंगलाच्या दृश्यासमोर इनफिनिटी पूलचा आनंद घेता येतो. सेमिन्याक आणि चांगूमध्ये The Legian Seminyak, Alila Seminyak आणि Soori Bali हे आलिशान बीचफ्रंट रिसॉर्ट्स आहेत, तर नुसा दुआमधील The St. Regis Bali, Mulia Resort आणि The Ritz-Carlton Bali हे पाचतारे रिसॉर्ट्स हनिमून पॅकेजमध्ये फ्लॉवर डेकोरेशन, स्पा आणि रोमँटिक डिनरसारख्या खास सुविधा देतात.

मिड-रेंज बुटीक हॉटेल्स

जर तुमचा बजेट मर्यादित असेल पण तरीही छान जागा हवी असेल तर बालीमध्ये अनेक सुंदर बुटीक हॉटेल्स आहेत. उबुदमधील Bidadari Private Villas & Retreat, Komaneka at Bisma आणि Bisma Eight हे चांगले

हेही वाचा : गोवामध्ये हनिमून का बेस्ट आहे? कपलसाठी संपूर्ण गाईड